Шанец уратаваць жыццё на адлегласці: у Прэзідэнцкай акадэміі адбылася акцыя бязвыплатнага донарства

Раз у паўгады ў сценах Прэзідэнцкай акадэміі праводзяцца Дні донара — жыццёва важныя мерапрыемствы, дзякуючы якім кожны жадаючы можа ўнесці асабісты ўклад у выратаванне чалавечага жыцця.

Супрацоўнікі Рэспубліканскага навукова-практычнага цэнтра трансфузіялогіі і медыцынскіх біятэхналогій у такія дні ажыццяўляюць збор крыві. Лекары адзначаюць, што донарства — гэта не толькі важная, але яшчэ і карысная працэдура. Людзі, якія рэгулярна здаюць кроў, больш сочаць за сваім здароўем, пастаянна праходзяць медагляды і абследавання.

У Акадэміі кіравання традыцыйна ў Днях донара ўдзельнічаюць студэнты, выкладчыкі, а таксама супрацоўнікі ўстановы адукацыі. Як толькі донары падыходзяць да кабінетаў, у якіх праводзіцца працэдура, ім прапануецца прайсці анкетаванне. Далей лекары праводзяць абследаванне, вызначаюць узровень гемаглабіну і артэрыяльны тыск. Каб выявіць пастаянныя або часовыя супрацьпаказанні донараў, іх аглядае лекар-тэрапеўт.

Пасля гэтага ажыццяўляецца працэдура здачы крыві, якая праводзіцца ў стэрыльнай, спецыяльна абсталяванай аўдыторыі. Донары здаюць па 450 мл крыві, што можа выратаваць жыццё трох чалавек. Кожны з іх атрымлівае даведку, якая пацвярджае праходжанне працэдуры, грашовую кампенсацыю за харчаванне, а таксама вызваленне ад вучобы ці працы ў дзень збору крыві і дадатковы выхадны па заяве.

— Прыняць удзел у Дні донара вырашаю не ўпершыню. Была яшчэ адна спроба, але тады не змог здаць, бо аналізы былі не самымі лепшымі. Сацыяльная значнасць дадзенага мерапрыемства высокая, таму кожны адказны чалавек мусіць дапамагчы іншым людзям, калі гэта неабходна. Менавіта для гэтага я і прыйшоў. У мяне чацвертая група крыві, вельмі рэдкая, таму асабіста мая адказнасць перад грамадствам яшчэ большая. Гэта шанец уратаваць жыццё на адлегласці, — распавядае студэнт другога курса Дзяніс Гайкевіч.

— Здаю не ўпершыню, а ў чацверты раз, пры гэтым толькі ў Акадэміі кіравання. Калі ёсць магчымасць дапамагчы ўратаваць жыццё, то трэба выкарыстоўваць яе. Тым больш, зараз гэта мае асаблівую значнасць. У мяне матуля працуе ў медыцыне, яна — прыклад, таму што пастаянна бязвыплатна здае кроў. Лічу, што падобныя акцыі неабходныя, таму збіраюся ў дальнейшым у іх удзельнічаць. Сваімі ўчынкамі, спадзяюся, буду натхняць людзей, — падкрэслівае студэнтка трэцяга курса Эрыка Сядова.

ПРЭС-ЦЭНТР