Удзел у актыўнасцях, вынікі фотаконкурса і ўручэнне прафсаюзных білетаў: як у Акадэміі кіравання прайшоў Дзень першакурсніка

30 верасня 2020 года ў сценах Акадэміі кіравання адсвяткавалі Дзень першакурсніка.

На вялікім перапынку Першасная прафсаюзная арганізацыя студэнтаў Прэзідэнцкай акадэміі арганізавала самыя розныя станцыі з актыўнасцямі, а таксама фотазону, дзе кожны жадаючы змог захаваць гэты дзень у сваёй памяці.

Падчас мерапрыемства студэнты мелі магчымасць пагуляць у твістэр, аэрахакей, настольны футбол і X-box. Апрача гэтага, жадаючыя праверыць сваю кемлівасць прымалі ўдзел у віктарыне «Першае правіла экзамена», дзе студэнт павінен быў адгадаць зашыфраваныя абрэвіятуры навучальных дысцыплін. А ў спецыяльна адведзенай зоне студэнты старэйшых курсаў наносілі аквагрым, пры гэтым выбар малюнка заставаўся за першакурснікамі.

На мерапрыемстве таксама былі агучаны перможцы фотаконкурса, які быў прысвечаны да Дня міру. Сярод іх – Таццяна Котава, Святлана Лешчына і Марыя Аніскевіч. Дзяўчатам уручылі сертыфікаты на бескаштоўную фотасесію.

− Вырашыла прыняць удзел, бо зацікавіла ідэя конкурса. Кожнаму трэба было паразважаць, што азначае для мяне мір. Вынікам, зразумела, засталася задаволена, яшчэ і атрымала зусім нечаканы прыз. Сёння паспела пагуляць у настольны футбол, патанцаваць. Тут усё так атмасферна праходзіць, хацелася б так праводзіць кожны дзень ва ўстанове адукацыі, − падзялілася ўражаннямі студэнтка першага курса спецыяльнасці «Дзяржаўнае кіраванне і права» Святлана Лешчына.

− Заўсёды любіла фатаграфаваць. Часам даходзіць да такога, што бачу кадр, хачу захаваць гэты момант у памяці. Пры гэтым не магу супакоіцца, калі не зраблю задуманае. А ўдзел у конкурсе – гэта выдатная магчымасць паказаць сябе і свае працы. Калі ўбачыла тэму конкурсу, адразу ў галаве з’явілася ідэя фотаздымка. Сённяшняе мерапрыемства вясёлае і атмасфернае, за гэта дзякуй арганізатарам, − распавяла студэнтка першага курса спецыяльнасці «Дзяржаўнае кіраванне і права» Таццяна Котава.

Далей адбылося ўрачыстае ўручэнне прафсаюзных білетаў першакурснікам і ўступленне ў шэрагі Першаснай прафсаюзнай арганізацыі.

Прывітальным словам да прысутных звярнуўся рэктар Акадэміі кіравання Вячаслаў Даніловіч: «Перш за ўсё, хачу павіншаваць вас з тым, што адносна нядаўна вы паспяхова здалі ўступныя экзамены і сталі часткай калектыва Акадэміі кіравання. Гэта не толькі вялікі гонар, але і вялікая адказнасць, таму што гэта вядучая вышэйшая навучальная ўстанова нашай краіны, якая рыхтуе кіруючыя кадры для нашай дзяржавы. Мне б хацелась падкрэсліць, што Акадэмія кіравання жыве цікавым і разнастайным жыццём. Важную частку гэтага жыцця складае Прафсаюзная арганізацыя. Падкрэслю, што вы зрабілі правільны выбар, калі вырашылі ўступіць у студэнцкі Прафсаюз. Гэта выдатная магчымасць атрымаць найкаштоўнейшы вопыт прафсаюзнага жыцця і зразумець яго важнасць і неабходнасць. Жадаю вам плённай вучобы, творчых здзяйсненняў, прыемных уражанняў ад супольнага прафсаюзнага жыцця. Але заўсёды памятайце, што мы – адна вялікая акадэмічая сям’я, якая навучаецца, працуе і дзейнічае дзеля ўмацавання і росквіту нашай роднай Беларусі».

− Сёння вы ўступілі не толькі ў акадэмічную студэнцкую сям’ю, але і ў нашу вялікую прафсаюзную. Яе склад налічвае практычна чатыры мільёна чалавек. Гэта амаль 95 працэнтаў эканамічна актыўнага насельніцства. Жадаю вам поспехаў у студэнцкім жыцці, − павіншаваў прысутных старшыня Рэспубліканскага камітэта прафсаюза работнікаў дзяржустаноў Сяргей Халява.

Таксама з вінашвальнымі словамі да першакурснікаў звярнуліся дырэктар Інстытута кіраўніцкіх кадраў Ганна Яшчук і старшыня Першаснай прафсаюзнай арганізацыі студэнтаў Академіі кіравання Ганна Гаўрылавец.

Першасная прафсаюзная арганізацыя студэнтаў Акадэміі кіравання створана ў снежні 1996 года і ў гэтым годзе адзначае ўжо свой 24-ы год існавання. На пачатку 2020/2021 вучэбнага года колькасць членаў арганізацыі складала 618 чалавек. 30 верасня 2020 года прафсаюзныя білеты атрмылі яшчэ 134 студэнта першага курса. Прафсаюз студэнтаў дапамагае ў вырашэнні сацыяльных пытанняў, арганізацыі ўзаемадзеяння паміж студэнтамі і арганізацыяй, папулярызацыі здаровага ладу жыцця і іншым.

ПРЭС-ЦЭНТР