Прафесарска-выкладчыцкаму складу і работнікам Акадэміі кіравання ўручылі Ганаровыя граматы і падзякі

9 лютага 2021 года ў сценах Акадэміі кіравання ўзнагародзілі работнікаў установы адукацыі. На ўрачыстым сходзе калектыву прысутнічалі прафесарска-выкладчыцкі склад і работнікі.

У Акадэміі кіравання працуе ўнікальны прафесарска-выкладчыцкі склад - вядомыя навукоўцы, дактары і кандыдаты навук, маладое пакаленне.

З прывітальным словам да прысутных звярнуўся рэктар Вячаслаў Даніловіч: «Мяркую, 2021 год будзе праходзіць пад знакам юбілея нашай установы адукацыі. Не магу не адзначыць, што з нагоды трыццацігоддзя Акадэміі кіравання больш за 130 яе супрацоўнікаў былі вылучаны да ўзнагароджання падзякамі і граматамі. Кожная ўзнагарода павінна знайсьці свайго героя, таму сёння мы з вамі сабраліся для таго, каб павіншаваць сваіх калег. Дзякую ўсім за тую працу, якую вы робіце якасна. Гэтыя падзякі сведчаць пра тое, што справа, якой мы займаемся, запатрабавана. Сардэчна віншую вас з трыццацігоддзем Акадэміі кіравання і жадаю кожнаму здароўя, дабрабыту і новых творчых поспехаў».

У адрас калектыву Акадэміі кіравання паступілі шматлікія віншаванні з юбілеем ад вышэйшых службовых асоб, кіраўнікоў органаў дзяржаўнага кіравання, грамадскіх аб'яднанняў, арганізацый і прадпрыемстваў Рэспублікі Беларусь. Ганаровымі граматамі Мінскага гарадскога выканаўчага камітэта ўзнагародзілі загадчыка кафедры канстытуцыйнага і адміністрацыйнага права Сяргея Апанасевіча і дацэнта кафедры сацыяльнай палітыкі і ідэалогіі Івана Таркана. Падзякі абвясцілі дацэнту кафедры дзяржаўнага кіравання Віктару Герменчуку і метадысту другой катэгорыі сектара нарматыўнага і арганізацыйна-метадычнага суправаджэння адукацыйнай дзейнасці ўпраўлення адукацыйнай дзейнасці Кацярыне Сахаравай.

Ганаровыя граматы Беларускага інстытута стратэгічных даследаванняў уручылі першаму прарэктару Акадэміі кіравання Валерыю Барадзене і начальніку інфармацыйна-аналітычнага ўпраўлення Уладзіміру Літвіновічу. Граматай Дзяржаўнага камітэта па навуцы і тэхналогіях Рэспублікі Беларусь ўзнагародзілі дацэнта кафедры эканомікі арганізацыі Ірыну Вашкову.

Ганаровай граматай Міністэрства па падатках і зборах Рэспублікі Беларусь ўзнагародзілі метадыста першай катэгорыі вучэбна-метадычнага аддзела Інстытута дзяржаўнай службы Алу Новікаву, а падзякі Міністра па падатках і зборах Рэспублікі Беларусь абвясцілі дацэнту кафедры дзяржаўнага кіравання Лідзіі Вечар і дацэнту кафедры сацыяльнай палітыкі і ідэалогіі Яўгену Крыштаповічу.

Ганаровыя граматы адміністрацыі Кастрычніцкага раёна г.Мінска ўручаны начальніку аддзела арганізацыйнай працы інфармацыйна-аналітычнага ўпраўлення Вользе Вільтоўскай, старэйшаму выкладчыку кафедры сацыяльна-гуманітарных дысцыплін Канстанціну Яськевічу, метадысту ўпраўлення міжнароднага супрацоўніцтва і адукацыйных праграм Таццяне Аўсянкінай, падзяку абвясцілі вядучаму спецыялісту па арганізацыі адукацыйнага працэсу вучэбна-метадычнага аддзела Інстытута кіраўніцкіх кадраў Ірыне Кукарэка і дацэнту кафедры міжнародных адносін Але Шаўцовай.

Загадчыку кафедры прававога забеспячэння праваахоўнай дзейнасці Анатолю Кліму ўручылі Ганаровую грамату Генеральнай пракуратуры Рэспублікі Беларусь і Падзяку Следчага камітэта Рэспублікі Беларусь.

Ганаровай граматай Мінскага гарадскога Савета дэпутатаў узнагародзілі вядучага спецыяліста па арганізацыі адукацыйнага працэсу кафедры сацыяльна-гуманітарных дысцыплін Наталлю Драчову і начальніка аддзела дакументазвароту і кантролю ўпраўлення кадраў і прававой работы Алену Суганяку.

Ганаровыя граматы Міністэрства эканомікі Рэспублікі Беларусь уручылі загадчыку кафедры эканамічнага развіцця і менеджменту Таццяне Максіменка-Навахрост і дацэнту кафедры эканомікі арганізацыі Таццяне Макарэцкай.

Ганаровымі граматамі Міністэрства адукацыі Рэспублікі Беларусь узнагароджаны дацэнт кафедры фізічнай культуры Алена Рафікава, дацэнт кафедры сацыяльна-гуманітарных дысцыплін Святлана Шабуневіч, граматамі - дацэнт кафедры кіравання інфармацыйнымі рэсурсамі Алег Плюшч і дацэнт кафедры іншамоўнай камунікацыі Вольга Сакалоўская, падзяку абвясцілі старэйшаму выкладчыку кафедры дзяржаўнай эканамічнай палітыкі Марыі Рубеж і загадчыку сектара стандартызацыі адукацыйных праграм, ліцэнзавання і акрэдытацыі кіравання адукацыйнай дзейнасці Алене Юркоўскай.

Ганаровыя граматы ўручаны: ад Міністэрства ўнутраных спраў Рэспублікі Беларусь дацэнту кафедры канстытуцыйнага і адміністрацыйнага права Анатолю Кураку, ад Нацыянальнай акадэміі навук Беларусі - намесніку дырэктара па навуковай рабоце і магістарскіх адукацыйных праграмах Дзіне Рутко, ад Міністэрства юстыцыі Рэспублікі Беларусь - прафесару кафедры канстытуцыйнага і адміністрацыйнага права Міхаілу Чудакову, ад Вярхоўнага Суда Рэспублікі Беларусь − дацэнту кафедры прававога забеспячэння эканамічнай дзейнасці Марыне Шымковіч і ад Камітэта дзяржаўнай бяспекі Рэспублікі Беларусь − загадчыку кафедры дзяржаўнай эканамічнай палітыкі Уладзіславу Шчэпаву. Граматай Міністэрства прамысловасці Рэспублікі Беларусь узнагароджана дацэнт кафедры эканомікі арганізацыі Наталля Марозава.

Падзяка Міністра сувязі і інфарматызацыі Рэспублікі Беларусь аб'яўлена дацэнту кафедры кіравання інфармацыйнымі рэсурсамі Уладзіміру Лабоцкаму, Следчага камітэта Рэспублікі Беларусь - дацэнту кафедры прававога забеспячэння праваахоўнай дзейнасці Таццяне Саўчук.

За плённае супрацоўніцтва з Акадэміяй кіравання і ў сувязі з 30-годдзем з дня яе ўтварэння загадчыцы здраўпункта Валянціне Кулік уручылі Ганаровую грамату Акадэміі кіравання. Таксама Ганаровай граматай Акадэміі кіравання ўзнагародзілі дацэнта кафедры эканомікі арганізацыі Аліну Пабядзінскую.

ПРЭС-ЦЭНТР