Свята роднай мовы пройдзе ў Акадэміі кіравання

20 лютага з 9.00 у холе Акадэміі кіравання пры Прэзідэнце Рэспублікі Беларусь адбудзецца «Свята роднай мовы», прымеркаванае да Міжнароднага дня роднай мовы.

У праграме свята: з 9.00 да 11.00 – беларускія гульні («Крыжыкі», «Слуцкія паясы», забег у бульбяных мяшках, беларускамоўны кракадзіл, беларуская настольная гульня «Разам»), акцыя «Пазнач сябе беларусам», нацыянальны бодзі-арт, фотасцяна, шмат розыгрышаў і падарункаў.

З 11.20 у холе адбудзецца выступленне музычна-інструментальнага гурта «Кукіс», а ў 12.30 у аўдыторыі 808 пачнуцца літаратурныя чытанні.