Бліны з варэннем, гарачая гарбата, песні і танцы: як у Акадэміі кіравання адсвяткавалі Масленіцу

2 сакавіка 2020 года ў Акадэміі кіравання адгулялі Масленіцу – свята, якое нагадвае, што зіма саступае месца вясне.

Для Акадэміі кіравання ў гэты дзень традыцыйнымі сталі песні, танцы, гарачая гарбата і абавязкова бліны. Акрамя гэтага, Прафсаюз студэнтаў Акадэміі кіравання для гасцей падрыхтаваў шэсць інтэрактыўных пляцовак: «Пеўневыя баі», «Рэцэпты бліноў – бліны розных краін», «Масленічны кракадзіл», «Снежкі ў скрынку», «Рукавіцы-кашулі» і «Фанты». На кожнай з пляцовак удзельнікаў выпрабоўвалі на фізічную сілу, спрыт, кемлівасць і ўважлівасць. За ўдзел кожны атрымліваў спецыяльныя летакі, якія потым можна было абмяняць на бліны з варэннем.

Як гэта было, глядзіце ў нашым фотарэпартажы.