У Прэзідэнцкай акадэміі адсвяткавалі Дзень абаронцаў Айчыны і Узброеных сіл Рэспублікі Беларусь

23 лютага 2021 года ў Акадэміі кіравання адсвяткавалі Дзень абаронцаў Айчыны і Узброеных сіл Рэспублікі Беларусь. 

З прывітальным словам да прысутных звярнуўся рэктар Вячаслаў Даніловіч: «За прайшоўшыя дзесяцігоддзя гэта свята стала сапраўдным сімвалам гераізму, мужнасці і адвагі нашых суайчыннікаў. Не магу не падкрэсліць, што здаўна абарона Радзімы на беларускіх землях была святым абавязкам. Сёння мы разам аддаём даніну павагі тым, хто самааддана і верна служыў і служыць сваёй краіне, надзейна ахоўвае нацыянальныя інтарэсы, робіць усё для таго, каб захаваць мір і спакой нашых грамадзян і ў любую хвіліну гатовы выканаць свой абавязак абаронца Айчыны. Сардэчна віншую ўсіх вас са святам абаронцаў Радзімы, святам Узброеных сіл Рэспублікі Беларусь і жадаю моцнага здароўя, сілы духа і волі, невычэрпнай жыццёвай і творчай энергіі, а самае галоўнае – заўсёды заставацца патрыётамі Беларусі».

Падчас мерапрыемства вакальныя нумары выканалі магістрантка Акадэміі кіравання спецыяльнасці «Дзяржаўнае кіраванне і права» Анастасія Бярозка, Лаўрэат Рэспубліканскіх і міжнародных конкурсаў, фіналістка праекту «Х-фактар», салістка групы «Рэйнас» і выкладчык па вакалу Акадэміі кіравання Ксенія Нікіціна, салісты вакальнай студыі «Freedom».

У свяце ўдзельнічаў валанцёрскі атрад «Першая дапамога» лячэбнага факультэта ўстановы адукацыі «Беларускі дзяржаўны медыцынскі ўніверсітэт», прадстаўнікі Мінскай гарадской арганізацыі БГА «Ветэраны ваеннай разведкі».

Прафсаюзная арганізацыя студэнтаў Акадэміі кіравання падрыхтавала тэматычныя пляцоўкі («Прыдатны/Не прыдатны», «Міннае поле», «Мужчынскія стэрэатыпы», «Танкіст» і «Воінскія званні»), якія дазволілі студэнтам не толькі праверыць свае веды ў ваеннай тэматыцы і тэрміналогіі, але і значна пашырыць іх.

Пра тое, як прайшло свята, глядзіце ў нашым відэасюжэце.