Да ўвагі студэнтаў і супрацоўнікаў Акадэміі кіравання!

Акадэмія кіравання пры Прэзідэнце Рэспублікі Беларусь праводзіць адкрыты конкурс па фарміраванню перспектыўнага кадравага рэзерву. Для ўдзелу ў конкурсе кандыдату неабходна
да 1 кастрычніка 2010 года прадставіць у Навукова-даследчы інстытут тэорыі і практыкі дзяржаўнага кіравання (аўд. 406, вул. Маскоўская, 17) наступныя дакументы:

• асабісты лісток па ўліку кадраў;
• аўтабіяграфію;
• характарыстыку, якая змяшчае поўную і аб'ектыўную ацэнку прафесійнага ўзроўню дзелавых, асабістых якасцей, адлюстроўвае канкрэтныя вынікі дзейнасці кандыдата для залічэння ў перспектыўны рэзерв;
• выпіску з заліковай кніжкі (для студэнтаў);
• спіс навуковых публікацый (калі яны маюцца);
• копіі дакументаў аб адукацыі, аб перападрыхтоўцы і павышэнні кваліфікацыі (для супрацоўнікаў);
• фатаграфію 3х4.

Акрамя таго, кандыдат можа прадставіць іншыя матэрыялы, якія сведчаць аб практычнай (вучэбнай), навуковай і грамадскай дзейнасці, а таксама адлюстроўваюць яго лідэрскія якасці і кіраўніцкія здольнасці.

Нагадаем, што ў Акадэміі кіравання пры Прэзідэнце Рэспублікі Беларусь перспектыўны кадравы рэзерв фарміруецца з ліку студэнтаў Інстытута кіраўніцкіх кадраў, а таксама супрацоўнікаў Акадэміі кіравання ва ўзросце да 31 года.

Дадатковую інфармацыю аб умовах і парадку адбору кандыдатаў можна атрымаць на сайце Акадэміі кіравання або па тэл.: (+375 17) 226-35-66 (Лагодзіч Дзмітрый Мікалаевіч).

© Аддзел тэхналогій кадравай работы НДІ ТПДК
© Фота rnns.ru