Уручэнне дыпломаў выпускнікам Інстытута кіраўніцкіх кадраў

25 чэрвеня ў Акадэміі кіравання адбыўся ўрачысты выпуск студэнтаў дзённай формы навучання і студэнтаў магістратуры Інстытута кіраўніцкіх кадраў.

Дыпломы аб заканчэнні вну атрымалі 433 выпускнікі. З іх 342 чалавекі – выпускнікі факультэта кіравання спецыяльнасцяў «Дзяржаўнае кіраванне і права» і «Дзяржаўнае кіраванне і эканоміка», 91 – факультэта інавацыйнай падрыхтоўкі спецыяльнасці «Кіраванне інфармацыйнымі рэсурсамі». Дыпломы з адзнакай атрымалі 63 выпускнікі: па спецыяльнасці «Дзяржаўнае кіраванне і эканоміка» – 24 чалавекі, «Дзяржаўнае кіраванне і права» – 21 чалавек, «Кіраванне інфармацыйнымі рэсурсамі» – 18 выпускнікоў.

Навучанне ў магістратуры па сямі спецыяльнасцях паспяхова завяршылі 10 студэнтаў па дзённай форме навучання і 41 студэнт – па завочнай.

Таксама выпускнікі атрымалі ў падарунак ад рэдакцыі часопіса «Юрыст» кнігі і сертыфікаты на выкарыстанне электроннай версіі часопіса.

© Інстытут кіраўніцкіх кадраў