Трэці летні – працоўны

У рамках трэцяга працоўнага семестра на базе Акадэміі кіравання сфарміраваны студэнцкі атрад «Гефест». Студэнты, якія ўваходзяць у яго склад, працуюць на розных аб'ектах падчас летніх канікул.

Напрыклад, шасцёра студэнтаў 1-3 курсаў займаюцца падрыхтоўкай да афарбоўкі і афарбоўкай агароджы на аўтамабільнай стаянцы акадэміі. Таксама 15 нашых студэнтаў працуюць на аб'ектах будаўнічага ўпраўлення №256 ААТ «МАПІД». Іх абавязкі – добраўпарадкаванне дваровых тэрыторый новабудоўляў.

25 студэнтаў Акадэміі кіравання працавалі падчас правядзення ў вну цэнтралізаванага тэсціравання, а цяпер яны знаходзяцца ў складзе прыёмнай камісіі.

Акадэмія кіравання штогод аказвае садзейнічанне сваім студэнтам у працаўладкаванні на лета, і ў будучыні падобныя мерапрыемствы будуць толькі набіраць абароты.

© Цэнтр выхаваўчай работы і маладзёжных ініцыятыў