Развіццё міжнароднага супрацоўніцтва ажыццяўляецца ў адпаведнасці са знешнепалітычнымі і эканамічнымі прыярытэтамі Рэспублікі Беларусь, міжурадавымі пагадненнямі, дагаворамі з айчыннымі і замежнымі адукацыйнымі ўстановамі і арганізацыямі, міжнароднымі і нацыянальнымі праектамі і праграмамі.

Міжнародная дзейнасць накіравана на вывучэнне, адаптацыю і ўкараненне перадавога замежнага вопыту ў навукова-адукацыйны працэс, фарміраванне высокага дзелавога іміджу Акадэміі кіравання ў міжнароднай акадэмічнай супольнасці.

Міжнароднае супрацоўніцтва Акадэміі кіравання ажыццяўляецца на аснове:

• рэалізацыі пагадненняў з вядучымі профільнымі міжнароднымі навукова-адукацыйнымі цэнтрамі;
• забеспячэння акадэмічнай мабільнасці супрацоўнікаў, выкладчыкаў, студэнтаў і слухачоў;
• сістэмнага ўзаемадзеяння з дыпламатычнымі місіямі ў Рэспубліцы Беларусь і прадстаўніцтвамі беларускай дзяржавы за мяжой;
• рэалізацыі навуковых і адукацыйных праектаў па міжнародных праграмах;
• правядзення і ўдзелу ў буйных міжнародных навуковых форумах, алімпіядах і конкурсах;
• пастаянных кантактаў з выпускнікамі Акадэміі кіравання – прадстаўнікамі дыпламатычнага корпуса Рэспублікі, супрацоўнікамі міжнародных арганізацый;
• запрашэння вядучых замежных педагагічных, навуковых работнікаў і спецыялістаў, грамадскіх і дзяржаўных дзеячаў для ўдзелу ў навукова-адукацыйным працэсе;
• дзейнасці па павышэнню іміджу Акадэміі кіравання ў міжнароднай навуковай і адукацыйнай прасторы, як вядучага еўрапейкага навукова-адукацыйнага цэнтра ў галіне дзяржаўнага кіравання.

Акадэмія кіравання супрацоўнічае з вышэйшымі ўстановамі адукацыі Расіі, Украіны, Кітая, Казахстана, Балгарыі, Венесуэлы, Кубы, Літвы, Германіі, Кыргызстана, Узбекістана, Малдовы, Азербайджана, Сінгапура, Чэхіі, Арменіі, Польшчы, В’етнама. Цяпер Акадэміяй кіравання падпісана 37 пагадненняў аб супрацоўніцтве.
Каардынацыяй міжнароднай дзейнасці ў Акадэміі кіравання займаецца Цэнтр міжнароднага супрацоўніцтва і адукацыйных праграм.