Музейная экспазіцыя | Акадэмія кіравання пры Прэзідэнце Рэспублікі Беларусь

Музейная экспазіцыя

Агульныя звесткі

Урачыстае адкрыцце музейнай экспазіцыі Акадэміі кіравання пры Прэзідэнце Рэспублікі Беларусь адбылося 29 чэрвеня 2009 года. Музейная экспазіцыя з’яўляецца элементам прыёмнай Акадэміі кіравання. Стацыянарная экспазіцыя – гэта першы этап у аздабленні музейнай прасторы, якая ў далейшым будзе дапоўнена мабільнымі выставачнымі аб’ектамі. Мэта экспазіцыі – цэласнае і аб’ектыўнае адлюстраванне музейнымі сродкамі стварэння, станаўлення і дзейнасці Акадэміі кіравання пры Прэзідэнце Рэспублікі Беларусь як вядучай вышэйшай навучальнай установы ў нацыянальнай сістэме адукацыі і галаўной установы адукацыі ў сістэме павышэння кваліфікацыі і перападрыхтоўкі кіруючых кадраў.

Асноўнымі задачамі экспазіцыі з’яўляюцца захаванне і прэзентацыя матэрыялаў аб гісторыі Акадэміі кіравання, яе супрацоўніках і выпускніках, якія ўнеслі значны ўклад у яе развіццё. Музейная экспазіцыя Акадэміі кіравання – многафункцыянальная прастора, якая выконвае адукацыйную, ідэалагічную і іміджавую функцыі для студэнтаў і слухачоў, месца правядзення сустрэч з гасцямі Акадэміі кіравання, яе ветэранамі.

Стацыянарная экспазіцыя

У экспазіцыі прадстаўлена больш за 300 прадметаў. Сярод іх – дакументы, фотаздымкі, узнагароды, кнігі, сувеніры і іншыя матэрыялы, якія маюць музейную каштоўнасць. Экспазіцыя складаецца з некалькіх тэматычных раздзелаў.

	Прывітальная тэма прадстаўляе эмблему і гімн Акадэміі кіравання як асноўныя сімвалы карпаратыўнай культуры, а таксама фота найбольш значных падзей з жыцця Акадэміі кіравання.
	У экспазіцыйнай тэме «Гісторыя Акадэміі кіравання» прадстаўлены матэрыялы, якія раскрываюць асноўныя вехі ў развіцці Акадэміі кіравання: устаўныя дакументы, матэрыялы аб рэктарах, якія ўзначальвалі акадэмію на розных этапах яе дзейнасці, а таксама матэрыялы аб Савеце Акадэміі кіравання і рэктараце як калегіяльных органах кіравання.
	Адзін са стэндаў прадстаўляе Пастаянна дзеючы семінар кіруючых работнікаў рэспубліканскіх і мясцовых дзяржаўных органаў як вышэйшую форму павышэння кваліфікацыі ў Рэспубліцы Беларусь. У экспазіцыі прадстаўлены дакументы, фотаздымкі, а таксама матэрыялы і праграмы семінараў.
	Вітрыны, прысвечаныя напрамкам адукацыйнай дзейнасці, расказваюць аб гісторыі падраздзяленняў, якія ажыццяўляюць падрыхтоўку, перападрыхтоўку і павышэнне кваліфікацыі кадраў. Тут можна азнаёміцца з дакументамі аб стварэнні інстытутаў Акадэміі кіравання, убачыць фотаздымкі розных перыядаў. Таксама прадстаўлены дыпломы, сертыфікаты, ганаровыя граматы, якія сведчаць аб дасягненнях вучэбных падраздзяленняў. Бібліятэка Акадэміі кіравання прадстаўлена ў экспазіцыі дакументамі, фотаматэрыяламі і друкаванымі выданнямі. Для экспанавання адабраны манаграфіі і вучэбныя дапаможнікі супрацоўнікаў Акадэміі кіравання з грыфам Міністэрства адукацыі і тыя, што маюць значныя ўзнагароды.
	Стэнд «Навуковая і інавацыйная дзейнасць Акадэміі кіравання» прадстаўляе ўвазе наведвальнікаў наступныя экспазіцыйныя комплексы: “НДІ тэорыі і практыкі дзяржаўнага кіравання”, “Навуковая дзейнасць прафесарска-выкладчыцкага састава”, “Навукова-практычныя выданні Акадэміі кіравання пры Прэзідэнце Рэспублікі Беларусь”. Экспазіцыйны рад гэтага комплекса складаюць дакументы, метадычныя распрацоўкі, зборнікі матэрыялаў навуковых канферэнцый, а таксама ўзнагароды. Візуальны рад дапаўняюць фотаматэрыялы.
	У раздзеле экспазіцыі «Міжнародная дзейнасць Акадэміі кіравання» наведвальнікі змогуць убачыць дагаворы і пагадненні аб супрацоўніцтве з ВНУ-партнёрамі Акадэміі кіравання, матэрыялы, якія прадстаўляюць таварыства дружбы “Беларусь – Венесуэла”, водгукі ганаровых гасцей акадэміі, а таксама сувеніры і падарункі. Фотаздымкі, якія размяшчаюцца ў гэтай тэме, прадстаўляюць наступныя кірункі міжнароднай дзейнасці: рэалізацыя пагадненняў з вядучымі профільнымі міжнароднымі навукова-адукацыйнымі цэнтрамі; узаемадзеянне з дыпламатычнымі місіямі ў Рэспубліцы Беларусь і прадстаўніцтвамі беларускай дзяржавы за мяжой; рэалізацыя навуковых і адукацыйных праектаў у рамках міжнародных праграм; правядзенне і ўдзел у значных міжнародных форумах, канферэнцыях.
	Асобная экспазіцыйная тэма прысвечана супрацоўнікам Акадэміі кіравання – лаўрэатам дзяржаўных прэмій. На сённяшні момант у Акадэміі кіравання два супрацоўніка, якія адзначаны такой узнагародай, – лаўрэат дзяржаўных прэмій БССР і СССР, прафесар кафедры дзяржаўнага кіравання эканамічнымі сістэмамі Сядзегаў Р.С. і лаўрэат дзяржаўнай прэміі СССР, прафесар кафедры эканоміка-матэматычных метадаў кіравання Грынберг А.С.
	Наступны стэнд расказвае аб доблесці і мужнасці ветэранаў і ўдзельнікаў Вялікай Айчыннай вайны, тых, хто раней працаваў у акадэміі, і хто працягвае працаваць.
	Тэма «Грамадскае жыццё Акадэміі кіравання» раскрывае разнастайныя інтарэсы студэнтаў і супрацоўнікаў Акадэміі кіравання. У рамках дадзенай тэмы сфарміраваны наступныя экспазіцыйныя комплексы: “Ідэалагічная і выхаваўчая работа: развіццё навыкаў сацыяльнага праектавання”, “Эстэтычнае выхаванне, фарміраванне культуры адпачынку і здаровага ладу жыцця”, “Працоўнае выхаванне, арганізацыя другаснай занятасці студэнтаў”. З дапамогай музейных прадметаў прадстаўлены дасягненні студэнтаў і супрацоўнікаў Акадэміі кіравання, удзел у конкурсах, фестывалях, выставах, культурна-масавых мерапрыемствах. Таксама экспануюцца матэрыялы, якія адлюстроўваюць дзейнасць грамадскіх арганізацый (первічная арганізацыя грамадскага аб’яднання “Беларускі рэспубліканскі саюз моладзі” з правамі райкама, прафсаюзная арганізацыя студэнтаў). Дадзеная экспазіцыйная тэма прадстаўляе таксама матэрыялы, якія адлюстроўваюць дзейнасць перыядычнага выдання Акадэміі кіравання – газеты “Люстэрка”. Асобным комплексам вылучаны матэрыялы, якія дэманструюць спартыўныя дасягненні студэнтаў і супрацоўнікаў Акадэміі кіравання. У экспазіцыі прадстаўлены дыпломы, ганаровыя граматы, кубкі, а таксама фотаздымкі.