Галоўная Год моладзі

Год моладзі

Год моладзі

Годам моладзі аб'яўлены 2015 год у Беларусі

Прэзідэнт Рэспублікі Беларусь 16 кастрычніка падпісаў Указ аб аб'яўленні 2015 года Годам моладзі.

Дакумент прыняты ў мэтах развіцця творчага, навуковага і прафесійнага патэнцыялу моладзі, яе актыўнага далучэння да правядзення сацыяльна-эканамічных пераўтварэнняў у Беларусі, выхавання пачуцця патрыятызму і грамадзянскай адказнасці ў маладых грамадзян.

Ураду даручана сумесна з аблвыканкамамі і Мінскім гарвыканкамам распрацаваць і зацвердзіць рэспубліканскі план мерапрыемстваў па правядзенні ў 2015 годзе Года моладзі.

На пачатак 2014 года колькасць моладзі ва ўзросце ад 14 гадоў да 31 года ў Беларусі складала 2,185 млн чалавек, або 23,08 працэнта агульнай колькасці насельніцтва краіны.

Вырашэнне праблем, якія хвалююць моладзь, з'яўляецца састаўной часткай дзяржаўнай палітыкі ў галіне сацыяльна-эканамічнага, культурнага і нацыянальнага развіцця краіны. Абвяшчэнне 2015 года Годам моладзі прыцягне дадатковую ўвагу органаў дзяржаўнага кіравання, шырокай грамадскасці да пытанняў рэалізацыі асноўных напрамкаў дзяржаўнай маладзёжнай палітыкі ў Беларусі.

Пастанова Савета Міністраў Рэспублікі Беларусь ад 23 снежня 2014 г. № 1228 "Аб зацвярджэнні рэспубліканскага плана мерапрыемстваў па правядзенні ў 2015 годзе Года моладзі"

У Акадэміі кіравання пры Прэзідэнце Рэспублікі Беларусь у 2015 навучальным годзе асаблівая ўвага ў ідэалагічнай і выхаваўчай рабоце будзе надавацца выхаванню патрыятызму, любові да свайго народа, радзімы, дзяржавы; фарміраванню ва ўсіх удзельнікаў адукацыйнага працэсу пачуцця нацыянальнай салідарнасці, усведамлення сваёй прыналежнасці да беларускага народа; фарміраванню ў навучэнцаў пазітыўнага вобраза палітычнай лініі дзяржавы; стварэнне вобраза сваёй будучай прафесіі; выхаванню паводніцкай, прававой, палітычнай, інфармацыйнай культуры і навыкаў здаровага ладу жыцця.

План мерапрыемстваў Акадэміі кіравання пры Прэзідэнце Рэспублікі Беларусь па правядзенні ў 2015 годзе Года моладзі

© 2010-2016 Акадэмія кіравання пры Прэзідэнце Рэспублікі Беларусь

Маскоўская 17, 220007, Мінск, Рэспубліка Беларусь

e-mail: post@pac.by

Тэлефон: (+375 17) 229-51-11
Факс: (+375 17) 222-82-64